阿仙奴W「雷」霆萬鈞

阿仙奴W「雷」霆萬鈞

英格蘭足總盃4強戰喺溫布萊上演，英冠球隊雷丁越級挑戰英超勁旅阿仙奴，相信神奇之旅即將告終，因為雷丁晉級過程靠運氣居多，加上近況亦唔好，所以兵工廠「讓客」熱到得1.55倍都要捧。（周六58，now633台周日12:20am直播）

雷丁位列英冠第18位，排到咁後都知道佢哋表現唔慌好得去邊，近5場聯賽只係錄得3和2負，近兩仗更加冇波入，試問憑咩爆冷。而且雷丁晉級路上只係淘汰巴拉福特、打比郡、卡迪夫城同埋哈特斯菲爾德等球隊，根本未遇過真正考驗。

雷丁近5場不勝

相反地，阿仙奴近況就好到你唔信，各項賽事累積8連勝，英超一支箭攀升上第2位，仲有機會威脅車路士，雖然基奧特嘅連續入波走勢斷攬，但係呢位前鋒近5場加埋依然入咗5球，中場艾朗藍斯亦喺近5場入3球，上周對般尼一役唔止一箭定江山，仲幫阿仙奴喺英超第150次披甲，全隊表現可謂順風順水。唔好忘記兵工廠喺歐聯已經出局，如果今季想有盃落袋，最實際都係喺足總盃出盡奶力，相信領隊雲格會吩咐眾將盡情數胡，1.55倍「讓客」等收錢。