慕遜加柏「法」力無邊

慕遜加柏「法」力無邊

慕遜加柏呢期遇神殺神，今晚作客法蘭克福有德國國腳基拉馬坐完波監復出，實力更加如虎添翼，足智彩有讓球盤提供，慕遜加柏讓平手、半球雖然熱到得1.72倍，但上盤夠穩陣唔怕買。（周五21，有線61及201台周六2:30am直播）

法蘭克福上周以0:3不敵拜仁慕尼黑，輸俾班霸雖然係意料之內，不過累積3場德甲不勝就真係有損士氣，最重要係球隊近3戰共失8球，同以往防守穩健嘅風格背道而馳，最大原因當然係森拜奴同埋馬高盧斯兩位主力後衛倦勤啦，佢兩個今仗仲會同美亞、格雷薛格等人齊齊缺陣，睇嚟防線穿窿呢個問題暫時未能夠解決喇。
攀升至聯賽第3位嘅慕遜加柏，為咗保住前列位置爭取下屆出戰歐聯，是役搵唔到任何動機會放軟手腳，佢哋雖然喺德國盃爆冷被丙組仔比勒費爾德淘汰，不過90分鐘正式比賽已經累積8場不敗，加上心無旁騖專心踢德甲，買慕遜加柏當然加分啦！拉菲爾基達奴近4戰入4球，同麥斯古斯一樣腳風超順，而有份踢世界盃嘅德國國腳基拉馬亦坐完波監復出，球隊實力如虎添翼，今晚作客少讓平手、半球梗係追上盤。

恩高斯達特「夫」聲高

同日德乙有一哥恩高斯達特主場對杜塞爾多夫，主隊近兩戰接連擊敗FSV法蘭克福同埋海登咸，而且一球不失，走勢持續勇猛，相反杜塞爾多夫兩戰不勝兼有莊拿芬泰希停賽，「讓主」唔買就笨。（周五3，香港時間周六12:30am開賽）
另外，聖保利雖然喺榜尾徘徊，不過近3場主場不敗，加上到訪嘅紐倫堡至少有6個傷兵未能隨隊出征，所以足智彩開出平手盤，買聖保利有保證。（周五5，香港時間周六12:30am開賽）