馬賽客場「特」別推介 法甲今晚有直播，四哥馬賽會作客挑戰南特。 馬賽依家落後榜首里昂7分，講真爭冠軍已經好難，但如果佢哋要踢歐聯，往後比賽依然不容有失；事實馬賽聯賽雖2連敗，但對手係巴黎同波爾多兩支強隊，之前佢哋作客圖盧茲同朗斯都成功攞3分，證明對中下游球隊有把握，撞正主隊南特正正排中游，近2周聯賽更輸晒戰意有下滑跡象，馬賽讓平半相對較值博。（周五22，無綫網絡電視302頻道周六2:30am直播） 法乙一哥特魯瓦今周會主場對阿些斯奧。特魯瓦近期勢如破竹，已連續贏咗格迪爾、迪安同奧連斯，當中1球都冇失過，對住客場近10戰僅1勝嘅阿些斯奧整定可以再攞3分。（周五19，香港時間周六2:00am開賽）