利雲特主場惹人「愛」 西甲星期五獨腳戲由利雲特主場對愛斯賓奴。利雲特跌到落尾3位置，護級壓力變得愈來愈大，唯一值得談論地方係佢哋主場威力尚算唔錯，格蘭納達、伊巴等球隊都係佢手下敗將，全力一戰未必攞唔足3分。愛斯賓奴聯賽排第8位，講真諗唔到佢哋仲有乜嘢好爭，雖然近況上球隊5場不敗仲連贏維拉利爾同畢爾包，但睇佢哋之前造訪拉科等都冇着數，平手盤都係撐主隊穩陣。（周五23，香港時間周六2:45am開賽） 葡超布拉加會作客甘馬雷斯。布拉加最近又回勇已3連勝，加埋更入咗9球而1球都冇失過，水準絕對極高；相反甘馬雷斯近5場波4敗，更1:4大敗過俾士砵亭，受讓都信唔過。（周五26，香港時間周六3:30am開賽）