聖羅倫素受讓「連」捷 自由盃聽朝有場B組哥連泰斯對聖羅倫素比賽。哥連泰斯分組4戰4勝肯定晉級，而聖羅倫素同聖保羅同得6分，今晚有乜三長兩短相信衛冕美夢就將成為泡影。好彩呢支阿甲球隊近況唔差，近8戰6勝上輪分組賽更可擊敗聖保羅全取3分，全隊士氣肯定高漲。相比下哥連泰斯由於已出線，戰意肯定冇客隊咁強，加埋陣容上前鋒盧斯安奴尼維斯有傷唔出得，未必讓得起聖羅倫素。（周四9，香港時間周五9:00am開賽） 最後D組智利大學主場會對國際體育會。智利大學分組輸咗3場波，睇佢哋聯賽勝出率頗高，似乎係冇心喺自由盃走太遠，邊讓得起分組二哥，至今已得2勝1和嘅國際體育會？（周四10，香港時間周五9:00am開賽）