柏利斯天奴執到「保」  自由盃E組聽朝上演最後一輪分組賽。一哥小保加5戰5勝肯定晉級，而柏利斯天奴依家排第2位但其實同蒙特維多流浪同分，僅以得失球差領先，由於蒙特維多流浪係對魚腩FC薩莫拿，所以柏利斯天奴今場唔贏同出局其實冇分別。好在，小保加出咗線戰意肯定大減，呢支阿甲勁旅周末亦要返聯賽作客拉魯斯，今場隨時大舉留力；再講柏利斯天奴近況好好已4連勝，放手一拼下未必勒機會創造奇跡。（周四6，香港時間周五6:45am開賽） 至於FC薩莫拿對蒙特維多流浪場波就簡單得多，前者分組全敗失18球完全唔夠班，蒙特維多流浪肯定盡數望得失球壓過柏利斯天奴，「讓客」博得過。（周四7，香港時間周五6:45am開賽）