巴塞作客難取“聖”

巴塞作客難取“聖”

    歐冠盃八強首回合再演兩巴大戰，巴黎聖日門與巴塞羅那繼分組賽後又再會面。睇返之前兩回合交手，雙方在各自主場各勝一仗，戰況同樣勢均力敵，明晨再度交鋒，的確未知鹿死誰手。初盤巴塞羅那作客讓半球，佔有主場之利嘅巴黎聖日門當然值得捧場。

    剛剛捧完法國盃嘅聖日門簡直充滿正能量，目標正向四冠王邁進，今仗首回合先在主場出擊，定必爭取勝仗打穩基礎。球隊入球能力十足，南美雙煞卡雲尼及拿維斯肯定係巴塞防線心腹大患，加上中場有柏斯杜尼與馬杜迪等悍將，聖日門縱然贏唔到，亦有好大機會能保不敗。

    巴塞上場在西甲被攔路虎西維爾打窒條氣，未能取得十連勝外，更反映出防線在受壓情況下出現唔少漏洞。好明顯聖日門嘅攻擊力比起西維爾更具殺傷力，巴塞後防今仗必受到對手唔少襲擊，要保住不失並非容易。近三次去到巴黎鐵塔未曾一勝，巴塞讓波當然捧唔過。

    推介：巴黎聖日門2:1