堤格雷重「生」要吼實 連目前最緊要嘅自由盃分組賽都可以輸埋，睇嚟學生隊唔似留力，而係真係開始腳軟，今次仲要作客堤格雷實在難以睇好佢哋可以保到不敗之身走人！不過亦都要小心堤格雷雖然喺近4主場賽事取得3勝，但係好少大炒對手咁贏，始終佢哋嘅入波數字一向都係偏細，好在讓球開到開平手盤，勉強都要得過嘅。（周一17，香港時間周二7:10am開賽） 尾場亮相嘅貝格拉諾就唔同講法，單單喺近5輪阿甲夾埋已經入到9球波咁多，幾乎平均每場有2球喺手，前鋒費蘭度馬基斯同埋中場艾美蘭奴列干尼冇病冇痛可以繼續落場，有呢對中前場組合撐腰，並唔係排喺阿甲第20位嘅基爾梅斯可以頂得順！（周一18，香港時間周二8:10am開賽）