斯巴達贏波「夫」聲高 有睇實我哋都知道羅斯托夫借到迪斯奧巴之後，攻力立即大增，所以喺近4場俄超贏3場咁多真係完全唔意外；不過要小心借將迪斯奧巴正正就係嚟自今晚嘅對手莫斯科斯巴達，小心因為借用條款嘅問題而唔能夠上陣，冇咗呢位高大中鋒喺前線鋪橋搭路，真係擔心佢哋會變番季初喺下游苦苦掙扎嘅護級份子。（周一4，香港時間周二12:30am開賽） 另一隊莫斯科球隊中央陸軍亦會作客，對住阿馬卡相信可以贏得非常輕鬆。睇番中央陸軍目前喺俄超唔單只大幅落後俾榜首辛尼特有成11分咁多，不過咁都唔係大問題，最冇面就係落後埋俾卡斯洛達，嚟緊佢哋要過卡軍頭一定會出盡真功夫！（周一2，香港時間周一10:15pm開賽）