馬賽贏「波」已成定局 自從馬賽不敵巴黎聖日耳門之後，今季嘅爭標之旅已經可以提早完結嘞，不過就算贏唔到任何錦標都一定想保住前列位置，作客波爾多梗係照樣去馬！睇番馬賽上仗對住聖日耳門都冇改變風格，總之全場90分鐘都係死攻爛攻，相信今晚亦都唔會例外，基格納同埋阿休又有機會數胡。（周日60，無綫網絡電視302頻道周一3:00am直播） 較早時間亮相嘅雷恩同埋甘岡都係排喺中游，不過前者一定唔會提早放軟手腳，事關主場近8戰僅得1勝實在好難要球迷收貨，遇到啱啱喺法足盃不敵歐塞爾出局、元氣大傷嘅甘岡贏得。（周日41，無綫網絡電視302頻道周日11:00pm直播）