大阪飛腳「心」滿意足 季初大阪飛腳無論係喺日職定係亞冠都係冇乜表現，真係搶心佢哋仲未撻着，不過隨住上輪亞冠作客都贏到武里南聯就要開始對佢哋另眼相看嘞，尤其係前鋒宇佐美貴史回勇，今次作客對住連輸5場嘅清水心跳只要有正常發揮就可以開到客勝。（周日4，有線61及201台周日2:00pm直播） 尾場川崎前鋒硬撼浦和紅鑽亦有直播，留意目前排喺榜首嘅紅鑽上仗迎戰FC北京曾經試過半場落後，雖然最終都可以保到不敗身，但係過程肯定耗費唔少體力；相反前鋒近期贏天鵝同埋心跳都係冇乜壓力，有埋主場幫手要睇高一線。（周日9，有線61及201台周日4:00pm直播）