熱刺主場殺出重「維」

熱刺主場殺出重「維」
   
阿士東維拉今晚會作客白鹿徑球場，展開佢哋嘅護級之旅，領隊舒活亦會倒戈相向，無奈主場嘅熱刺實力有番咁上下，維拉想搶分唔容易，足智彩開讓球盤，買熱刺開半球、一球上盤打落水狗。（周六28，now621台周六10:00pm直播）

熱刺上場聯賽作客悶和般尼0:0，不過新人王兼新任隊長哈利卡尼表示，球隊今季爭取歐聯參賽資格嘅決心未減退。傷兵方面，熱刺繼續有洛里斯，維頓漢、基爾獲加同埋蘇爾達杜都倦勤，但係安祖斯唐辛、基斯甸艾歷臣、賴恩美臣、查迪尼同埋迪比利等球星全部可以落場，配合今季有驚喜演出嘅哈利卡尼，熱刺主場出擊仍然夠贏。

維拉傷兵滿營

阿士東維拉上場聯賽同昆士柏流浪激戰成3:3平手，總算終止咗兩連敗頹勢，不過近3場聯賽無法取勝，兼夾同護級對手打和，形勢上就相當不利。領隊舒活個人而言就好想擊敗熱刺，因為佢覺得前度球會不念舊情，無奈侯頓、艾殊利韋斯活特、史葛冼佳亞同埋高薩克全部因傷缺陣，想全取3分都唔夠籌碼，作客白鹿徑真係凶多吉少，足智彩開讓球盤，捧熱刺上盤穩陣。