燕豪芬主場「利」大勝 身為「荷甲一哥」嘅燕豪芬，已經拋離咗次席嘅阿積士有成10分咁多嘞，奪得聯賽冠軍只係時間嘅問題，不過喺班米飯班主面前梗係唔想失分咁樣衰啦！（周五7，now671台周六2:00am直播） 只要多取2W燕豪芬就可以提早奪得荷甲冠軍，今晚喺主場迎戰施禾利自然唔會留手，尤其係隊中嘅新星迪比等人喺季初同過唔少勁旅傳出緋聞，另外韋拿杜姆、阿當馬希等現役荷蘭國腳亦有能力外出搵食，呢班新星唔趁住季尾呢段時間博取表現吸引其他球會仲等幾時？所以唔使理對手係邊隊，「讓主」開幾多球都要吼實。