富咸韋根「和」氣收場 已經唔使理護級嘅富咸去到「倫敦打吡戰」自然唔會留力，不過同查爾頓踢成平手實在好難收貨，相隔幾日再出真係怕佢哋會「腳仔軟」喎。（周五24，香港時間周六3:00am開賽） 始終都係「倫敦打吡戰」，即使富咸已經無慾無求都唔敢放軟手腳，可以估計到當時佢哋耗費唔少體力，尤其係嚟到季尾呢段時間隔幾日再出，真係擔心佢哋只能夠應付到70至80分鐘左右！至於休息多幾日嘅韋根仲要搶分，而部份有級數嘅球員好似占士麥堅恩，更加要搏表現跳船，作客未必贏得到，不過要保住不敗唔算高難度。