般尼茅夫客場送「禮」 睇嚟白禮頓都幾難阻到般尼茅夫升上英超，始終佢哋喺近6場英冠只係入到3球咁大把，莫講話做攔路虎，唔大敗一場都已經要還神！（周五23，無綫網絡電視301頻道周六2:45am直播） 連場都冇乜波入已經證明呢隊白禮頓嚟到季尾已經完全見底，反而作客嘅般尼茅夫就冇咁嘅問題，嚟到季尾就更加冇腳軟到，喺近7戰贏5場咁多，一口氣就殺上英冠榜首，雖然未必可以做到冠軍，但係絕對有權攞到直接升上英超嘅資格，前面嘅比列比文、哥林威爾遜，加埋卡莫根特三個今季入43球波，夠火力開「讓客」。