珀斯光輝眉飛「悉」舞

珀斯光輝眉飛「悉」舞

澳職今日下晝打孖上，尾場珀斯光輝喺自己地頭迎戰FC悉尼，有權攞晒3分答謝球迷，因為光輝近8戰僅嘗一敗，並累積兩連勝走勢，出晒名飄忽嘅FC悉尼難以阻擋，平手盤要光輝坐走望贏。（周五2，有線64及203台周五7:45pm直播）

珀斯光輝近期先後擊敗西悉尼流浪者同埋紐卡素噴射機，安迪基奧治、尼保查馬連高域、薛尼摩拉利斯、羅斯頓格菲斯同埋祖舒亞列斯頓，而且球隊已經連續6場比賽有波入，現時同墨爾本勝利一樣同得44分，不過就踢多一場，所以爭標形勢仲係稍嫌被動，坦白講冇乜失分空間，難得喺主場出擊，當然要承接氣勢搶分。
作客嘅FC悉尼近3戰1勝2負，老牌射手史美斯要坐波監，故此奧地利射手真高現疲態都要頂硬上，加上悉尼今季表現好飄忽，最叻試過4連勝，但亦試過連續6場贏唔到波，捧佢哋場真係要睇彩數，平手盤梗係買珀斯光輝最為正路啦！

噴射機問題多多

一哥墨爾本勝利喺主場就贏硬紐卡素噴射機，因為勝利已經保持咗5場不敗，當中獲3勝2和，上仗輕取威靈頓鳳凰3:0更見清風送爽，古希美同埋艾奇湯臣等主力嘅腳風都好順，加上巴巴路西斯同埋丹尼爾佐治夫斯基嘅傷勢冇乜大礙，是役可以披甲，勝利實力相當完整，相反地，紐卡素噴射機有拉度雲柏維斯域同埋米高簡達路夫斯基因傷上陣成疑，加上近13場比賽僅嘗一勝，真係連少少嘅爆冷籌碼都冇，足智彩開讓球主客和，捧墨爾本勝利開1.66倍「讓主」。（周五1，有線64及203台周五5:40pm直播）