漢諾威“化”危為機

漢諾威“化”危為機

    德甲今晚有場獨腳戲，由漢諾威對哈化柏林。初盤開出漢諾威小讓平手／半球，簡直筍盤，一來漢諾威有地頭之利，二來首循環作客亦能在佔得優勢情況下，兩球輕取哈化柏林，今仗更加值得考慮，有買趁早。

    漢諾威目前處於尾四位置，與護級邊緣嘅漢堡只有三分之差，必須要搶分脫離危險地帶。球隊自從歇冬後一直跌入谷底，連續十場聯賽未曾一勝，近四場更只得一和三負。不過睇返四場波嘅對手，係班霸拜仁、排第三嘅慕遜加柏及回勇嘅多蒙特，輸波亦非戰之罪。至於上場對住法蘭克福，落後兩球形勢下，在逆境中迫和對手，證明球隊依然鬥志十足。今場對住實力並非突出嘅哈化柏林，漢諾威係時候反彈。

    哈化柏林近四戰兩勝兩和不敗，近況的確比漢諾威較佳，但四場對手除史浩克外，三支都係包尾球隊，搶分當然比較容易。由於球隊仍未正式脫離危險期，今戰絕對唔會放軟手腳，但今季十三場作客三勝三和七負嘅戰績，受讓都不宜捧場。

    推介：漢諾威2:0