阿維達貝治「斯」人醒  上季瑞超盟主馬模一開季就喺客場大炒辛斯華爾4:1，霸氣盡現又會驚AIK蘇納先？其實馬模上仗作客辛斯華爾只係讓到半、一，不過估唔到佢哋最終能夠大勝而回，反而主場出擊嘅蘇納面對住咸史達斯都只能夠「僅僅熟」，淨係睇開鑼戰嘅表現就已經分到高低啦，呢場對碰馬模繼續成為大熱，似乎外界都睇好馬模嘅贏面較高。（周四6，香港時間周五1:05am開賽） 而剛剛大敗嘅辛斯華爾好衰唔衰竟然要作客出擊，相信發揮會再度打折；反而主隊阿維達貝治雖然喺首戰不敵哥登堡，但係作客都只係僅敗已經可以收貨，似乎防守力唔錯，返到自己地頭隨時會有意外驚喜！（周四3，香港時間周五1:00am開賽）