鳥棲砂岩「天」作之合 日本聯賽盃分組賽A組賽事，新潟天鵝狀態持續低迷，今日喺主場迎戰鳥棲砂岩真係難以睇好，加上後衛宋株熏近日受傷上陣成疑，後防隨時又穿窿。相反地，鳥棲砂岩後衛菊地直哉已克服傷患，目前僅餘下後備門將奧田達朗一位十字軍，陣容完整下可望衝擊3.15倍嘅超賠率客勝。（周三1，香港時間周三6:00pm開賽） 而B組仙台維加泰對神戶勝利船就顯得勢均力敵，主隊仙台維加泰剛於日職擊敗清水心跳，仲要係補時5分鐘入波，全隊士氣大勇，而神戶勝利船亦連嬴兩場反彈，後衛岩波拓也為日本U22服役之後已歸隊，39歲嘅老牌射手馬昆奴亦能夠候命，換言之可以夫添應付呢場日本聯賽盃分組賽，咁搞法梗係揀個3.3倍和局為之最穩陣啦。（周三6，香港時間周三6:30pm開賽）