巴塞隆拿主場有「利」

巴塞隆拿主場有「利」
   
西甲一哥巴塞隆拿表現相當平穩，今晚聯賽狹6連勝餘威迎擊艾美利亞，讓三球雖然有少少誇張，但係有尼馬同蘇亞雷斯在陣，乜嘢事都會發生，何況客軍積弱已久，1.95倍嘅「讓主」絕對買得過。（周三25，now632台周四2:00am直播）

巴塞隆拿耐唔耐都會大勝，好似較早前以6:1怒炒華歷簡奴就係好例子，而近兩仗先後擊退皇家馬德里同埋切爾達亦顯示出狀態平穩，加上蘇亞雷斯逐漸融入球隊，配合巴西球星尼馬，真係想數幾多粒都冇問題。艾美利亞已經7戰未嘗一勝，上仗喺主場面對攻力出名弱嘅利雲特都要輸1:4,今戰巴塞後果更不堪設想，所以足智彩開盤即使狠到出現「-3」，相信艾美利亞亦都頂唔住，1.95倍嘅「讓主」贏硬記得捧。

拉科主場有力贏波

同日拉科魯尼亞對科爾多瓦嘅榜尾大戰就係正宗海軍鬥水兵格局，主隊拉科魯尼亞上次贏波已經係2月初，本來就唔抵爭，不過科爾多瓦仲大鑊，至今累積10連敗，上次贏波係1月中，所以拉科魯尼亞讓半球、一球上盤可以搏一搏。（周三26，香港時間周四2:00am開賽）