利記主場屈“仁”

利記主場屈“仁”

    今日介紹場隔籬埠“公仔箱”有得直播嘅德國盃八強大戰，由利華古遜對拜仁慕尼黑。如果計兩隊球員名氣、級數及個人平均技術質素，拜仁的確在對手之上。不過足球比賽始終都要講臨場表現，利華古遜今場佔有天時、地利、人和，發揮自然會踢出加一波。兼且一場過淘汰制，唔係你死，就係我返唔到屋企，肯定有幾多力，都會搏到盡。拜仁今仗未必可以穩勝對手。初盤拜仁慕尼黑讓半球／一球，睇好利華古遜主場見得“仁”，至少坐和望贏。

    利華古遜在自己地頭嘅表現確實唔差，十四場聯賽主場只曾一敗，整體發揮相當平穩。尤其陣中一班“土炮”戰將，傑斯寧、比拿拉比及卡斯特路等都踢出極佳水準，再配合孫弘民、迪米斯與卡漢路古等多名國腳級外援，真係未必輸得晒比拜仁。拜仁今場有洛賓、列比利、馬天尼斯及阿拉巴四大主力有傷唔踢得，無論進攻與防守明顯都受到削弱，加上剛對完多蒙特一場激戰，拜仁想有“利”可圖肯定唔容易。

    推介：和波2:2