巴塞一刀“切”

巴塞一刀“切”

西甲只剩十輪比賽，兩支領頭羊巴塞與皇馬展開最後衝刺。今晚皇馬早場先打頭陣，主場對住尾二嘅格蘭納達，呢三分應該“依絲執”。

至於榜首巴塞就要作客切爾達，要繼續保住領先四分嘅優勢，今戰非要貫“切”三分不可。由於首循環巴塞主場爆冷不敵切爾達，今場踢作客，唔多唔少都會有壓力，要贏波未必順風順水。初盤巴塞羅那讓一球／球半，預料巴塞會贏得比較驚險，至多一球上落，想贏盤，不妨考慮切爾達。

切爾達目前處於中游位置，護級壓力唔大，但一日未坐穩船，都未知後事如何，最好繼續攞得一分得一分，且在自己地頭出戰，當然唔想輸波收場。之前曾經殺敗“阿四”嘅馬體會，摸和“三哥”華倫西亞，證明主場有一定威力，今次再戰巴塞未必輸得晒。巴塞先後殺敗曼城與皇馬兩支勁旅，近七場比賽取得連勝，球隊狀態無需懷疑，不過爭標形勢去到緊張關頭，每場波都要步步為營，巴塞可勝不穩。

推介：巴塞羅那2:1