阿仙奴主勝可圖利 對手不敗氣勢受挫主將缺陣

阿仙奴主勝可圖利 對手不敗氣勢受挫主將缺陣

       利物浦13場英超不敗的氣勢上仗不敵曼聯後已被打窒，而今季在後防大躍進的史卡迪爾及隊長謝拉特停賽缺陣，射手史杜列治傷缺，歐洲金童史達寧拒簽新約激嬲主帥羅渣士，影響軍心，今晚英超作客酋長球場出戰氣勢磅礡的阿仙奴，凶多吉少，槍手有望創7連勝紀錄，主勝無難度！( 星期六16：now621台周六19:45直播 )

　　利物浦上仗對曼聯前保持13場不敗紀錄，氣勢一時無兩，但可惜被紅魔2:1擊敗後，道氣被打窒，現時只以54分排第5名，與第4名的曼聯差5分，若要保持爭前4希望，今場一定要在阿仙奴身上全取3分，若果輸波，下屆歐聯席位極不樂觀！偏偏在這個重要時刻，羅渣士的3後防戰術最重要中堅史卡迪爾及隊長謝拉特停賽，剛剛復出搵回射門觸覺的史杜列治又要一月。

　　史達寧拒續約影響士氣

　　紅軍在前中後3個重要位置都缺陣，而利物浦新星史達寧被傳媒踢爆周薪10萬鎊都唔續約，話佢貪錢。佢專登走出闢謠，澄清自己唔係貪錢，只係想知紅軍有否爭標意欲。點知激嬲羅渣士，賽前講明今夏史達寧因約未完，邊度都唔去得。羅渣士仲講明會處罰佢。即使未必會係呢場雪藏佢，但對紅軍的士氣多少都有所影響。何況近兩次利物浦前往酋長球場都輸波而回呢！

　　數英超最弗球隊，非阿仙奴莫屬。自從踏入2015年，槍手17戰贏了14仗，只是輸了3場，唔經唔覺，現時在英超積分榜以60分居第3位，只比榜首的車路士少7分並多打1場，但與次席的曼城，只差1分。槍手現時不但保持爭取亞軍希望，並且問鼎錦標亦非癡人說夢話！但最令阿仙奴領隊雲加高興的，是包括隊長阿迪達、迪保治、韋舒亞、甚至戴亞比這名經常受傷的「玻璃腳」，全部接近痊愈，雖然這批球員或不會在雲加的出場名單，但對槍手陣容的調動，更為靈活！對士氣提升不少。

　　阿仙奴連同所有賽事6戰6勝，可說擋者披靡，應付殘陣的紅軍可說綽綽有餘，阿仙奴主勝，唔買因住走寶！