悉尼鬥阿聯「大」無畏 如果人一生真係有三衰六旺嘅話，咁樣FC悉尼前鋒真高一定係行緊尾運嘞，佢除咗目前以16球入波領先澳職射手榜之餘，喺剛剛過去嘅國際賽期亦幫到奧地利入波；就算呢位當旺射手未必趕及落場，都唔使搶心佢哋唔識入波，睇番FC悉尼上仗喺冇真高幫手嘅情況下，照樣大炒榜首威靈頓鳳凰，今次返到主場對住阿德萊德聯，難免會係一場「大」戰。（周六6，有線64及203台周六4:30pm直播） 入夜俄超見到「莫斯科內戰」，由戴拿模硬撼火車頭！表面上戴拿模最近頻頻失分好似走緊下坡咁，不過唔好忘記對手有拿玻里同埋辛尼特，而火車頭近期對住圖拉兵工廠都要輸波明顯更加不堪。（周六15，now670台周六7:15pm直播）