澳季決：奧克蘭爭標半和最合悉_東方日報

澳季後決賽，奧克蘭FC主場迎戰FC悉尼。奧克蘭FC創會只有兩年，首年贏得常規賽冠軍，今季更進一步打入季後賽決賽，成績斐然，不過嚟到決賽，相信會變得謹慎，唔敢冒進；FC悉尼係澳職始創球會之一，季後賽獲5冠2亞，爭冠經驗豐富，不過對上一次入決賽已經係5年前，相信今場亦會小心翼翼，佢哋踢法保守，近5仗全部半場打和，再追半場和啱數。（無綫82台周六下午4時10分直播）文:邪神

奧克蘭FC上季橫空降世，首季即做常規賽「一哥」，不過佢哋當時經歷尚淺，去到季後賽4強被墨爾本勝利淘汰，佢哋今季表現稍為下滑，常規賽以第3名打入季後賽，淘汰圈同墨爾本城鬥到互射12碼驚險晉級，4強淘汰阿德萊德聯打入決賽，爭奪隊史首個總冠軍，自然要步步為營。

ＦＣ悉尼防線滴水不漏
FC悉尼係澳職史上最成功球會，共獲5次總冠軍及4次常規賽冠軍，雖然自2020年奪冠後沉寂一段長時間，但球隊底蘊仍在，佢哋係今季澳職失球最少球隊，近期喺上半場非常謹慎，近5場全開半場和，半場波膽全為0比0，後防滴水不漏，今場邊隊捧盃好難講，但半場和應該冇走雞。