日職：兩強相遇以穩為先町田紅鑽細均力敵_東方日報

日職百年構想聯賽今日上演東區前列大戰，由町田澤維亞主場迎戰浦和紅鑽。兩隊係日職近期狀態最好嘅球隊之一，町田澤維亞近11場不敗，浦和紅鑽就近5場4勝1和，兩隊踢法同樣注重防守，都係穩陣行先，今場可謂勢均力敵，開2.5球入球細機會高。

（無綫myTV SUPER周五下午6時30分直播）文:工廠仔

紅鑽近5場4次不失球
町田澤維亞上個月喺亞冠盃決賽飲恨，戰至加時先輸波，不過球隊冇被打沉，之後6場聯賽法定時間2勝4和，不敗走勢延續到11場。町田澤維亞最大賣點係防守極強，近4場賽事只失過1球，主場出擊連續3場冇失波。喺佢哋近11場不敗走勢當中，有10場總入球開2球或以下，穩固防線係町田澤維亞強勢主因，今場必定繼續以守為攻。

浦和紅鑽最近擺脫開季低潮，近5場聯賽錄得4勝1和，改善防守係成績冒起主因，最近5場有4次保持清白之身，包括上場「零封」今季日職鋒力最強之一嘅FC東京。浦和紅鑽今場作客極為硬淨嘅町田澤維亞，絕對唔敢硬碰。兩支狀態當弗兼防守一流球隊對碰，相信入波機會唔會太多，博2.5球入球細係最佳選擇。