世盃仲有一個月就開波，足智彩亦已推出冠軍玩法，想早着先機，不妨揀兩至3隊心水入定貨，再睇準時機套戥。論人腳質素，英格蘭絕對是數一數二，加上有盃賽專家杜曹領軍，又累積兩屆歐國盃爭冠經驗，絕對有力一圓大賽捧盃夢。足智彩開出英格蘭「冠軍」8.5倍，賠率比起外國公司（平均約7倍）高出不少，相當抵玩。 至於半冷門方面，先考慮巴西。巴西近年踢法與歐洲球隊無異，雖然個人特色受削，但踢法相對更機動，今屆更有大熟大勇嘅雲尼斯奧斯祖利亞孭飛，足智彩開出10倍的盤口，比外國（平均9倍）為高，可以一試。