波圖作客萬夫莫「迪」   隨住波圖喺上輪葡超好唔生性咁同國民隊踢成平手之後，要後上反先賓菲加捧走聯賽冠軍要寄望對手失手先得，不過聯賽玩完都唔代表係條絕路，事關佢哋喺葡聯盃已經打入準決賽嘞！（周四2，香港時間周五2:45am開賽） 任何一隊波嚟到準決賽都唔會輕易就放軟手腳，當然波圖亦唔會例外，尤其係佢哋上仗葡超曾經喺半場領先緊國民隊，點知下半場就俾對手追平，咁失分法睇得出佢哋有留力嘅意味！ 冇錯積臣馬天尼斯等球星受到國際賽影響未必可以趕及落場，不過唔好忘記波圖陣中仲有基斯甸泰路呢類唔使踢國際賽嘅球星喺度，左計右計喺葡萄牙國內依然係超晒班，睇番佢哋近兩次到訪馬里迪莫都係輸波而回，今次迫住嚟真話唔定會十倍奉還，開埋「讓客」晉級！