英超焦點大戰周末上演，利物浦將會喺晏菲路主場硬撼車路士。「紅軍」仍然要為來季歐聯席位搏命搶分，至於車路士就想止住連敗頹風，賽前唔少英國傳媒同球迷都認為，主場出擊嘅利物浦稍為秤先。（Now 621及611周六晚7時30分直播）文:謝德謙 頹爆車路士未投降 車路士看守領隊麥法蘭賽前表示，即使已經喺英超錄得6連敗，但球隊上下並冇「放棄」。不過「車仔」近況確實令人擔心，無論進攻定防守都問題多多，球隊踢法欠穩定。車路士如果今場再輸，或會創下自1952年以來最差聯賽連敗紀錄。 利物浦同樣受到傷兵問題困擾，隊長華基爾雲迪積克日前公開為球隊護航，認為外界對「紅軍」近期表現嘅批評有啲過火，並強調球隊仍然有能力以前5完成球季。