漫遊者入球大有「利」  智甲聽朝有場獨腳戲由聖地牙哥漫遊者主場對柏利斯天奴。漫遊者近期顯露攻強守弱毛病，主場對住同樣入得又失得嘅柏利斯天奴，入球大放心捧場。（周三13，香港時間周四6:30am開賽） 漫遊者近3場聯賽和晒，但要注意佢哋先後2:2和艾斯賓路拿同3:3和聖馬高斯，前線馬里奧盧比斯同施拿連奴腳風雖然順，但由梅里斯奧皮亞圖領導嘅後防線卻嚴重不穩，令前線心血付之流水，喺未有改善跡象前，轉捧入球大會較明智。 柏利斯天奴今季成績仲差過主隊，佢哋唔經唔覺有成7場波冇贏過，球隊近戰嘅入球率其實唔錯，例如對伊基克或康塞普森大學都入到2球以上，但係同漫遊者一樣，球隊嘅防線脆弱不堪，呢7場波入面冇一場能夠保持到清白之身，攻強守弱，梗係捧大。