澳職：等入季後賽勝利大解放_東方日報

星期五澳職，墨爾本勝利主場迎戰紐卡素噴射機，墨爾本勝利爭入季後賽基本穩陣，最後兩場常規賽可能會留力，主勝不宜沾手，不過佢哋近期踢法開放，近5場4次開4球或以上，值得留意；常規賽「一哥」紐卡素噴射機冠軍在望唔會手軟，作客都照攻，預計今場入球必多，捧3.5球入球大。

（無綫myTV SUPER周五下午5時35分直播）文:邪神

先睇常規賽形勢，紐卡素噴射機已經帶出，季後賽直入4強冇問題，佢哋現以3分領先次席奧克蘭FC，餘下兩場再攞4分就穩奪常規賽冠軍；至於3至6名嘅季後賽淘汰圈席位，排第5嘅墨爾本勝利領先第7位FC麥克阿瑟5分，只要FC麥克阿瑟最後兩輪未能全勝，都威脅唔到墨爾本勝利嘅季後賽資格。

噴射機冠軍在望必搏
對墨爾本勝利嚟講，最後兩輪常規賽雖未至於變成例行公事，但並無搶分逼切性，主帥戴利斯可以着手準備季後賽，畀部分主力休息，不過無論出咩人，佢哋比賽風格都唔會變，就係多入波；紐卡素噴射機仲簡單，為捧盃肯定去盡，隨時反客為主，捧入球大之餘，噴射機受讓平半嘅下盤都玩得過。