比利時「色」得開讓和

比利時「色」得開讓和
 
歐國盃外圍賽今晚獨腳戲上演，比利時因為之前少打一輪，呢5日內要連戰2場，而且呢場重要性甚大，事關對手正好為第2位嘅以色列，如果佢哋今場贏波即可反壓對手及現時榜首嘅威爾斯上第一，如果一輸就會被對手拋離4分；不過比利時早幾日大炒塞浦路斯氣勢盛，以色列則啱啱輸波，睇嚟客隊有能力小勝。（周二3，有線61及201台周三2:45am直播）

以色列喺B組本來個頭開得好好，頭3場全部贏晒，但幾日前主場大敗予威爾斯，又或者講輸喺加里夫巴利一人身上，就真係咩氣勢都冇晒。
事實上，以色列人腳實力只係歐洲二三線，稍為有名氣球員仍係老將賓希姆，連射手奧馬達馬尼都受傷唔踢得，以色列的確好有可能再失3分。
比利時人材過盛，全隊唯一問題在於教頭韋莫斯唔夠料，世界盃見佢對強隊冇晒乎，上場面對弱隊塞浦路斯，其實好教練贏到2球左右都應該留力，但佢仍然係80年代嗰套，打到70分鐘至開始換人，迪布尼等主力更要打足，要睇番部分球員喺聯賽都已經冇休息，既然有大戰在後都唔識得適當調配，如果失分責任肯定喺主帥身上，呢場波雖然比利時有優勢，但體力所限可能只可以小勝。