日本主場值得「茲」持

日本主場值得「茲」持
 
歐洲各國比賽打到火紅火綠，亞洲呢一邊由於夏天冇咩大賽舉行，都真係有啲悠閒，不過強隊日本未必係咁諗，佢哋經歷咗一個失敗嘅世界盃同亞洲盃，球隊都正進行重組及發掘新血，所以幾日前友賽佢哋都認真贏突尼西亞2:0，今戰對手只為區內嘅烏茲別克，兩隊實力有明顯分野，大和民族出名鬥志好，信佢哋繼續可波盤齊贏。（周二1，有線61及201台周二6:25pm直播）

日本近年足運有啲停滯，雖然早前嘅洲際國家盃曾力迫意大利，但一來對手輕敵二來日本有啲神來之筆，總括嚟講日本喺一頭一尾兩個位置都仍然爭咁個小志強同林源三，所以今次點兵中，新星武藤加紀、權田修一等都有入選，而教練夏利荷錫都好希望，中場主力香川真司可以快啲打番應有水準，等日本喺往後大賽可以重現光芒。
烏茲別克早年喺亞洲都算一線球隊，但現時呢班球員憑歐洲人體格已經惡唔出樣，佢哋依家水平極其量同中國隊差唔多，而且近年烏軍幾乎完全冇高質球員外流，國內足球水準已同世界脫節，今場更要作客下，更加冇爭勝把握，睇佢哋早前打亞洲盃都只係蒙混過關，呢場輸幾球俾日本相當正常。