小阿根廷人動干「哥」 阿甲今季史無前例加到成30隊咁多，單循環制打吡戰又話踢多場，計落真係有排都未踢晒，所以現時話邊隊有機會都係為時尚早，不過新芝加哥呢支新阿甲球隊開季至今不勝僅得2分，已證明係魚腩，今周作客對住小阿根廷人都係難逃一敗。（周一3，香港時間周二8:10am開賽） 小阿根廷人雖然位處中游位置，不過開季其實只輸過一場，作為跟新芝加哥一樣係升班馬嚟講，表現已有交代，新芝加哥唔止唔識贏，其實失球數字都幾嚴重，呢場可能輸到2球以上唔奇。 至於較早時間沙蘭迪兵工廠會主場對住阿度斯維，沙蘭迪兵工廠開季不勝，但球隊質素肯定屬於阿甲中上游類別，相反阿度斯維只係升班馬，入球能力僅屬一般，沙蘭迪兵工廠要反底正好係時候。（周一2，香港時間周二5:00am開賽）