捧伯頓讓和好「芬」頭

捧伯頓讓和好「芬」頭 

今晚啲國際賽停一停，夜波只有一場英乙，明早都只有三場阿甲，不過如果手痕呢場伯頓主場對史提芬納治都有可博之道；伯頓始終係英乙一哥，近戰豪取4連勝，相反史提芬納治已三場不勝，加上要作客，似乎今場都難免下風。（周一1，無綫網絡電視301頻道周二2:45am直播）
難得連場英乙都有直播，但足智彩開得盤又冇做英乙資料，有關人員認真抵鬧！不過齋睇近績，呢隊伯頓的確犀利，連贏4場之餘，更贏過前列嘅修安聯，現時上到第一雖然係靠多少氣勢，但一日未斷繼續追都冇壞。而且佢哋現時只係領先第2位2分咁大把，球員更唔會掉以輕心。
至於史提芬納治聯賽排第9位，不過分數上同第7嘅附加賽區域其實只係差幾分，球隊上下肯定仲有戰意，所以呢場信主隊贏到，但都未必可以贏得太多，僅勝1球開出「讓和」機會甚大。