千葉市原「岡」柔並濟 日乙星期日大戰連場，其中開季同樣2勝1和排前列嘅千葉市原同岡山綠雉，就會喺今日狹路相逢。千葉市原今季陣容都幾強，大家熟悉嘅森本貴幸唔使多介紹，前貝爾格萊德紅星前鋒比斯尼克同櫪木SC中場保連奴都係有級數之輩，加埋主場之利的確好着數。至於岡山綠雉今季亦引入到加地亮等名將，但佢哋有田中奏一、矢島慎也同篠原弘次郎等傷兵，人腳不齊下作客好難搞。（周日12，香港時間周日3:00pm開賽） 較早時間福岡黃蜂會鬥熊本羅亞素。福岡開季3戰3敗，場場有波入但場場最少失2粒或以上，攻強守弱問題明顯；至於熊本開季不敗，近戰對群馬同愛媛都輕鬆有波入，捧入球大有計。（周日1，香港時間周日12:00pm開賽）