普雷斯頓「特」別推介   英甲今晚有場直播獨腳戲由費列活特主場對普雷斯頓。兩軍級數可謂大有距離，加埋普雷斯頓為要保住二哥依唔會手軟，客勝放心捧場。（周日14，無綫網絡電視301頻道周日9:15pm直播） 普雷斯頓賽前僅領先史雲頓3分，如果想直接升班就唔可以放慢手腳，戰意一層已唔需要懷疑。此外普軍近況亦唔差，近8戰6勝2和僅作客失分俾班士利，球隊今晚更冇傷冇停可以強陣出征，全取3分下季繼續向英冠進發機會高唱入雲。 主隊費列活特落後班士利3分，其實都唔係冇機會爭取殺入升班附加賽，戰意同樣唔會太差；問題係，費軍近8周聯賽只贏到3場咁大把，近兩戰更先後輸俾高雲地利同僅和巴拉福特，演出一啲都唔標青，球隊今周更有干拿麥洛連、霍頓、丹尼安祖同謝美馬特缺陣，要唔輸有難度。