法國反底簡「丹」任務    法國隊喺日前友賽輸俾巴西，但球隊幾日再出對手卻大幅變弱只面對丹麥，估計可以輕鬆贏番場。（周日24，有線61及203台周一2:45am直播） 法國喺日前友賽1:3大敗俾巴西，但賓施馬、華布拿、基沙文、沙格拿同艾拉等主力今晚依然可以候命，就算冇咗保羅普巴同洛里斯，級數依然唔講得笑。再講，客隊丹麥上輪雖憑賓特拿大演帽子戲法擊敗美國，但「中堅賓」發威真係好少有打疊，呢位禾堡前鋒今晚分分鐘又再次隱形，加埋基斯甸艾歷臣今場未必可以踢足，有理由相信法國可以迅速咁反底大勝番一場。 較早時間巴西會喺倫敦友賽智利。巴西踢友賽表現真係好勁，近7場贏晒入咗19球，啱啱先大炒法國3:1；就算智利有齊阿歷斯山齊士等主將，恐怕都難逃一敗。（周日15，香港時間周日10:00pm開賽）