塞爾維亞讓客「萄」利

塞爾維亞讓客「萄」利
 
歐國盃外圍賽去到星期日都仍然有賽事，今晚多場比賽中，應該以葡萄牙對塞爾維亞實力最接近，葡萄牙今仗當然有C朗出場，但以佢霸道表現，根本好難負起領軍大任，所以葡萄牙耐唔耐都會喺弱隊身上失分。塞爾維亞因為對阿爾巴尼亞一戰被扣3分，現時只有1分在手，要取得出線資格今場一定要贏，信塞爾維亞鬥志好至少保不敗，「讓客」穩開。（周日22，有線61、201台周一2:45am直播）

同利物浦一樣，呢支葡萄牙國家隊長期係捧場客第一敵人，因為礙於球員名氣，呢隊葡萄牙由費高時代起都已經場場熱門，但往往贏就僅熟，周不時對弱隊更會和波或輸埋，就今次歐洲國家盃外圍賽計，已經試過主場輸俾阿爾巴尼亞，老實講剩係一個C朗身價都係對面全隊之上，葡萄牙咁嘅表現的確科學都解釋唔到。
咁又唔係完全解釋唔到嘅！葡萄牙長年缺正箭頭，依家連C朗都要作先鋒，但C朗最佳位置始終係兩翼，葡軍中場又唔算控制力強，壓住弱隊打的確非葡軍擅長，所以一連三場勝仗，當中對住丹麥、阿根廷反而識贏，以後買葡萄牙，記得對強隊至好出手。

擅打防反剋主隊

咁今場塞爾維亞又算唔算強隊呢，老實講，隊波後防有伊雲洛域、高拉洛夫，中場有馬迪，前線亦有馬高域，塞爾維亞點會唔強，但塞爾維亞都係慣打防反，呢場又作客，肯定讓主動權俾葡萄牙主攻，咁搞法葡萄牙隨時又輸反擊，而且葡軍心現時小組排第二，心態上打和都得，塞軍因應被扣分今戰一定要贏，有鬥志兼受讓點會唔值博。