比利時讓和好「路」數

比利時讓和好「路」數 
 
今屆歐國外圍賽都幾多冷門賽果，當中B組賽事，世盃8強份子比利時3戰只贏過1場，現時排到第4出線形勢唔樂觀，當然場數上佢哋打少場，但未打嘅正係對榜首以色列，稍一不慎隨時滑鐵盧，所以今晚呢場對塞浦路斯一定要先取3分，唔係下周二對以色列就會負上極大壓力，不過小心比利時4日兩戰韋莫斯會有留力意圖，呢場對弱旅極可能贏夠就收手，「-2」「讓和」值博。（周六27，有線62及202台周日3:45am直播）

如果呢一輪國際賽，比利時只係打一場歐國外圍賽，我都幾肯定球隊會大勝一場，不過問題係球隊下周要作客以色列，以色列正好係呢組榜首，比利時要爭出線下場波勝負相當關鍵，而嚴格講，塞浦路斯就算未係歐洲魚腩，都肯係三線球隊，比利時的確有能力睇定嚟食，如贏到兩球夠晒保險下，可能換走晒夏隆特等保留體力，博「讓和」絕非無的放矢。
至於另一組哈薩克對冰島，冰島頭4戰贏3場，全因早幾年嗰隊叱吒歐洲U21賽事嘅球員已全數晉升大國腳，呢隊冰島絕對稱得上黃金一代，哈薩克只係歐洲魚腩，兩隊級數有別唔需要考慮，冰島半一盤穩食全格。（周六9，有線61及201台周六11:00pm直播）