捧俄羅斯客勝「黑」敵 歐洲國家盃G組外圍賽，主隊黑山陣中最為人熟悉嘅球員，只有去咗中東搵食嘅射手胡仙歷，同埋曼城後備前鋒祖維迪。相反俄羅斯繼續採用莫斯科戴拿模前鋒高哥連、中場施哥夫、莫斯科中央陸軍中場迪沙高耶夫同埋後衛伊拿舒域治等世界盃班底，客勝有1.92倍當然要捧。（周五8，有線62及202台周六3:45am直播） 同組包尾嘅摩爾多瓦雖然有主場之利，不過對手瑞典有巴黎聖日耳門射手伊巴謙莫域、雷恩前鋒托禾倫、邦比前鋒艾文達、彭拿典奈高斯前鋒馬古斯貝治、莫斯科斯巴達中場卡斯唐，同埋新特蘭中場施巴斯坦拿臣等超班球星，恃質凌人係意料之內，2.2倍嘅「讓客」要趁早買。（周五7，香港時間周六3:45am開賽）