瑞士讓和「愛」不釋手 歐洲國家盃E組外圍賽，主場嘅瑞士有戴迪約克同巴尼達兩位常規國腳落選，辛德路斯又因傷退隊，陣容並唔完整，好在對手愛沙尼亞實力唔強，全隊只係以北歐搵食嘅球員做骨幹，故預計瑞士仍可以攞走3分，不過要大勝有啲難度，似乎買3.8倍「讓和」搏小勝先係最佳選擇。（周五12，香港時間周六3:45am開賽） 同組斯洛文尼亞對聖馬力諾就係大炒格局，雖然斯軍近年喺國際賽冇乜表現，不過佢哋陣中仲有多蒙特奇雲甘保爾、費倫天拿古亞迪，同埋國際米蘭門將漢丹洛域等星級球員，相反聖馬力諾有唔少業餘球員，好多人都係請假走嚟踢呢場波，所以唔使諗咁多，買斯軍開「主其他」波膽。（周五10，香港時間周六3:45am開賽）