日本主勝尋求「突」破

日本主勝尋求「突」破 
 
日韓分途出擊踢友賽，當中以日本主場對突尼西亞較受注目，因為東瀛兵團有新帥哈利荷域上任，主場出擊當然要揚威氹下球迷，故此可以簡簡單單搏個主勝，睇好日本取得新嘅「突」破。（周五2，有線61及201台周五6:30pm直播）

緬恩斯前鋒岡崎慎司、AC米蘭前鋒本田圭佑、多蒙特中場香川真司、法蘭克福中場長谷部誠、修咸頓中堅吉田麻也、漢諾威右閘酒井宏樹及標準列治門將川島永嗣有份入選，新帥哈利荷域明顯想攞頭威。適逢突尼西亞有緬恩斯前鋒艾拉基因傷退隊，賽利亞射手祖馬亞同埋蒙彼利埃中場沙希就意外落選，反而徵召咗兩位新兵包括朗斯前鋒杜斯加同埋漢堡中場穆罕默德古艾達，明顯係試陣，所以態度較認真嘅日本可以睇高一線，直接買個主勝最好不過。

南韓讓和「別」樹一格

另外，南韓主場對烏茲別克就係小勝格，雖然球隊有利華古遜前鋒孫興民同新特蘭中場奇誠庸，但係南韓近半年踢友賽鮮有波盤齊贏，遇上同屬亞洲區嘅老對手烏茲別克似乎只可以小勝開「讓和」。（周五3，香港時間周五7:00pm開賽）