山度士「比」面開客客

山度士「比」面開客客

自從見到山度士喺主場同死敵聖保羅踢成平手之後，喺呢度已經叫定大家長追山度士嘅主場賽事唔放，果然近期喺主場立即連開3W，不過贏親都係僅勝，贏得咁難睇班球迷應該唔會咁易收貨。（周四3，香港時間周五8:00am開賽）
上次提過吓喺一年前有個山度士球迷俾聖保羅球迷打死，呢兩隊仇人喺巴省聯碰頭梗係份外眼紅，點知山度士當時好唔生性只係同聖保羅踢成平手，好在成班球員亦好識做，喺打後嘅主場賽事連贏利倫斯、彭美拉斯同埋奧達斯聖保羅，總算為主場球迷減退一吓怒火。
問題係山度士喺以上呢幾場主場勝仗贏得唔算漂亮，搵場大勝都冇球迷梗係唔收貨啦！始終山度士手握連拿度等前巴西國腳，今次只要有心踢就一定贏到冇乜球星在陣嘅邦迪比達，不過要考慮埋作客點都要打吓折扣，唔睇讓球主客和嘅盤嘞，直情轉吼「客客」。