巴西難以正“法”

巴西難以正“法”

    唔知係咪有陰影，每次睇到有法國對巴西嘅比賽，都諗起九八年世界盃決賽。當時法國盡地主之誼，餽贈該國特產“高盧雄雞”蛋三隻畀巴西；巴西亦禮尚往來，將世界盃拱手相讓，祝賀法國國慶。之後歷史記載，呢場波稱之為“世紀大騙局”。

    明晨呢兩支國家隊又再較量，當年兩隊陣中主力迪甘斯與鄧加，今次就齊齊以教頭身份再度會面。兩位戰場中嘅老朋友，最好就係和氣收場。初盤巴西讓平手／半球，受讓嘅法國值得捧場。

    法國雖然有列比利與拿斯尼退出國家隊，但陣中依然有唔少具級數球員，包括賓森馬、卡比耶、基奧特、華貝拿等，整體戰鬥力絕不遜於“森巴兵團”。且兩隊近兩次對戰，都在自己地頭勝出。法國今戰可以坐和望贏。

    鄧加在世界盃決賽周後接管巴西，六場友賽取得全勝，果然有料到，但都要睇對手實力去到邊。法國始終屬於歐洲一級勁旅，踢法比較細膩。欠缺熟晒地頭嘅大衛雷斯及馬昆奴斯兩大守將嘅巴西，未必安枕無憂。

    推介：和波1:1