全北汽車讓主「陽」威    南韓代表全北汽車同埋日職嘅柏雷素爾同樣攞住4分，一定會諗盡辦法爭E組首名，尤其係前者上季正正就係因為屈居分組次席，去到16強淘汰賽階段就要硬撼浦項制鐵搞到出局，今季一定唔會犯下相同錯誤，今次只係對住同組最弱嘅平陽，唔只要喺主場贏波咁簡單，仲要一場大勝嚟到改善得失球差。（周二1，now670台周二6:00pm直播） 同組嘅柏雷素爾應該可以食住FC山東，始終後者喺上輪分組賽大敗喺全北汽車腳下就見到高低，不過要小心柏雷素爾喺上場日職要攻到去臨完場前先至和到仙台維加泰，擔心唔少球員有耗力問題，即使有主場撐腰都好，點睇都係小勝格。（周二2，香港時間周二6:00pm開賽）