羅沙里奧有「利」可圖  升班馬喺開鑼戰贏波真係有利有弊，好似坦柏利喺首戰就爆出個小冷門，作客受讓半一之下竟然贏埋班菲特，令到對手唔敢睇低佢哋，於是打後對住小保加同埋競賽會都係冇啖好食，上仗佢哋亦只係憑住地利同堤格雷踢成平手。可惜今次坦柏利就冇主場撐腰嘞，作客目前做緊榜首嘅羅沙里奧中央輸少已經要當贏波。（周一20，香港時間周二4:00am開賽） 另一隊上季喺阿乙搵食嘅阿度斯維，至今就直情連贏都冇贏過，阿甲開季咁耐最叻都只係同沙米恩圖以及基爾梅斯踢成平手，睇嚟係得咁多料，預計下半季注定喺下游掙扎；偏偏主隊貝格拉諾上仗作客獨立隊照樣贏波，有力喺主場再下一城。（周一21，香港時間周二7:00am開賽）