RB萊比錫「多」數開大  其實RB萊比錫同埋杜塞爾多夫喺歇冬之後一直保持狀態，只係因為冇運先至搞到頻頻失分；好似主場出擊嘅RB萊比錫就曾經喺半場落後嘅情況下追和布倫瑞克，亦試過喺主場同柏林聯鬥攻，咁都攞到分算合格啦；至於杜塞爾多夫亦喺客場贏過海登咸，兩隊波近期都叫做有過表現，互撼之下肯定係一場「大」戰！（周一14，香港時間周二3:15am開賽） 稍後法乙就見到「一哥」特魯瓦作客華倫西恩斯，不過要全取3分開出客W就未必咁容易，一嚟主隊華倫西恩斯仲要搶分護級，踢過利物浦嘅勒泰歷嚟到法乙夠踢有突，二嚟特魯瓦有正選門將柏特歷未必出得，呢隊法乙「一哥」要贏有些少隱憂，不過要喺頭45分鐘保持不敗就一定冇問題。（周一15，香港時間周二3:30am開賽）