基達菲皇蘇好「細」界  自從皇家蘇斯達改由「莫天才」領軍之後，已經慢慢由護級變成中游份子，不過今晚對番同級嘅基達菲肯定會好頭痛，事關主隊亦係一隊踢「防反」嘅專家，恐怕呢兩隊波冇人會採取主動，咁嘅對碰唔敢講邊一隊會佔到上風，偏偏喺呢個緊急關頭皇蘇就有射手卡路士韋拿缺陣，似乎個「細」係為咗今場混戰度身訂做。（周一17，香港時間周二3:45am開賽） 至於頭場俄超就見到羅斯托夫主場迎戰古賓！咪以為羅斯托夫目前係包尾份子就好好恰，事實上佢哋剛剛由斯巴達借到迪斯奧巴，而另一位射手迪米治普路斯亦係俄羅斯國腳，換言之有一條俄羅斯嘅現役國腳前鋒線，絕對有權爆冷贏埋古賓！（周一1，香港時間周二12:00am開賽）