“天鵝”受讓有“利”

“天鵝”受讓有“利”

唔經唔覺，今季英超只剩十輪賽事，前四位置依然爭持得相當激烈。尤其守住第五位嘅紅軍利物浦，近四場聯賽豪取十二分，已力迫“紅魔鬼”曼聯。明晨在英超獨腳戲，紅軍將作客史雲斯，當然希望可以乘勝追擊取得五連勝，不過要食呢隻“天鵝”絕不容易。

史雲斯並非善男信女，之前主場曾經斬殺紅魔鬼，且目前位置亦處於無憂無求，晨早“上岸”無需為護級而憂，只求力爭上游，毫無壓力下可放盡嚟踢。紅軍能否順利攞足三分，真係要踢過先知。初盤利物浦讓半球，如果史雲斯唔放軟手腳，紅軍想贏都難，受讓嘅史雲斯值博。

史雲斯能夠站穩英超中游，證明其戰鬥力有返咁上下。陣中嘅寄誠庸、施古臣、蒙迪路及舒維爾等都公認為好波之人，平均嘅戰鬥力與紅軍唔會相差太大距離。

紅軍近期狀態相當不俗，唯一不利係賽程實在太密，上場足總盃對布力般，部分球員亦出現疲態。今場作客對以逸待勞嘅史雲斯，失分不足為奇。

推介：史雲斯2:1